ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Conclúen no concello de Cabanas as sesións de grupo de Memoria dun Século. O programa pretende recuperar a historia oral das mulleres de Regoela.
Esta semana concluíron as sesións de grupo do programa “Memoria dun Século”, un proxecto de historia oral e saúde comunitaria con perspectiva feminista dirixido a persoas maiores, co obxectivo de elaborar o relato de cen anos de historia da parroquia de Regoela, ao tempo que se xera un espazo de cohesión social e traballa a memoria individual. Durante os meses de outubro e novembro, as mulleres de Regoela reuníronse no lugar de Xicos para pór en común os seus coñecementos sobre a parroquia, nuns encontros guiados por Olga Romasanta de Rexenerando Sociedade Cooperativa.
Tras a recollida destas testemuñas, o relato compartido perdurará na historia en formato de publicación, que verá a luz nos próximos meses. “Con este proxecto búscase pór en valor as vidas e os saberes das mulleres, contribuíndo ao seu empoderamento e á visibilización das súas achegas á historia da parroquia”, sinala Paula González, concelleira de igualdade. “Memoria dun Século” é un programa organizado pola área de igualdade do Concello de Cabanas, e conta con financiamento da Xunta de Galiza a través das liña de promoción de igualdade de xénero.
Publica o teu comentario agora