O cambio hormonal é tan profundo que o período que se inicia arredor dos cincuenta anos é moi similar á adolescencia. A menopausa implica unha convulsión profunda nas mulleres. Cambia o xeito de ver o mundo. Os homes tamén teñen andropausa, segundo explica a escritora e profesora Rexina Vega. "Sempre fun reticente ao papel da Igrexa católica na cultura occidental, pero no momento en que se produce a convulsión do climaterio, necesitei ese cambio para envellecer mellor. Quero morrer sendo mellor e nese sentido o budismo é unha ventá interesante para a consciencia", afirma a escritora.  As novelas de Rexina Vega son “heavys”. Ela cre que a literatura debe escribir sobre o que non vai ben. Non lle interesa o entretemento, senón as obras que removen os marcos por dentro. Ningún dos seus libros é para persoas febles.