Mercadiño de troco para celebrar a semana solidaria no IES Terra de Trasancos

Mercadiño de troco para celebrar a semana solidaria no IES Terra de Trasancos

01 de Febreiro, 2011 - 12:00 h. | Publicada por Radio Fene

O instituto Terra de Trasancos, de Narón, celebra estes días unha semana solidaria. O pasado ano, este centro educativo público fora galardonado co premio Vicente Ferrer de Educación para o Desenvolvemento e, no presente curso, tampouco faltan as actividades orientadas ao coñecemento de todas as realidades do mundo. Para Manuel Rivera, profesor do centro, trátase de formar aos rapaces e rapazas como "cidadáns globais&quot

Dentro das actividades da semana solidaria, esta mañá tivo lugar unha charla sobre a situación actual que vive Haití. Prepárase tamén un proxecto de banca ética con beneficios que irán destinados a proxectos solidarios e, ademais, durante toda a semana celébrase un mercadiño de troco con obxectos doados polo propio alumnado e profesorado.

A semana solidaria está focalizada nos dous chamados obxectivos do milenio: combater a pobreza no mundo e acadar unha educación elemental gratuída para todos os nenos e nenas do planeta.

Sociedade
  • 113 lecturas