A comisión de festas da Parrocheira realizará no vindeiro mes de setembro unha lembranza a Pardal, que fora xogador do Racing de Ferrol. Os nazis formaron en Mauthausen un equipo de fútbol cos republicanos españois presos. Entre os xogadores, Xelo Pardal. Enfrontábanse a presos doutras nacionalidades e tamén a un equipo formado polos carcereiros. 
Xelo xogaba no Racing de Ferrol en 1936 pero o golpe de estado truncou unha prometedora carreira futbolística. Naceu na rúa da Estrela de Ferrol en 1917. Foi chamado a filas polos golpistas pero cambiou de bando e defendeu a República na batalla do Ebro. En Francia foi apreixado polas tropas de Hitler que o internaron en Mauthausen. Faleceu en maio de 2009 na localidade francesa de Béziers.