“A militancia socialista é moi responsable”, destaca Joaquín Ayala. En xuño de 2023 o PSOE facilitou coa súa abstención a elección de Juventino Trigo como alcalde de Fene. Está por ver se fará o mesmo o venres da semana que vén coa candidatura de Sandra Permui. Os votos socialistas son decisivos porque o BNG é o grupo máis votado, pero non ten maioría absoluta na Corporación. Salvo un improbable acordo entre o PSOE e o PP, sairá elixida a candidata do BNG.. Ayala  expresa respecto pola decisión tomada por Juventino Trigo, renuncia que non lle sorprendeu e anuncia  para o xoves que vén unha asemblea extraordinaria do seu partido para decidir o voto do seu partido no Pleno municipal que elixira ao día seguinte á persoa que substituirá a Juventino Trigo.