A Escola Obradoiro púxose en marcha en Fene en 1992. Permitía a formación ocupacional de xoves desempregados. Durante tres anos aprendían unha profesión, colaboraban en obras de interese social e recibían unha contra prestación económica. Os palcos de música en Galicia son símbolos de festa e memoria de milleiros de relatos. No concello de Fene só contan con palco na actualidade as parroquias de Maniños, Barallobre e Limodre. Aínda a dia de hoxe son símbolo inequívoco da vida en comunidade e testemuñas dos cambios na comarca. A súa presencia fíxose notable a partir da década de 1970 e ata os anos 2000, período no que se construíron a maioría destes peculiares escenarios en Galicia. O proxecto https://participa.palcos.gal/ pretende mapear, catalogar e documentar os palcos, sexan vivos, fósiles ou simplemente recordados. 

Palco da Hortiña. Felicia pop en Limodre. 2024.

Fotografía Xan Xe