Mirando o peto

Mirando o peto
02 de Setembro, 2022 - 12:09 h. | Publicada por Radio Fene

Comezar setembro facendo algún aforro. 26 establecementos de Fene ofrecerán durante toda esta fin de semana unha chea de oportunidades para facerse con todo tipo de artigos a prezos imbatibles. Será unha edición do Outlet, organizado polo Concello de Fene, coa que se quere darlle saída ao stock estival e tamén axudar á reactivación económica de moitos dos pequenos negocios. O Outlet de Fene desenvolverase o venres e o sábado de 10 a 14.00h e de 16.30 a 20.30h e o domingo entre as 10 e as 14.00h.  No evento poderán conseguirse todo tipo de artigos, con rebaixas que nalgúns casos poden chegar até un 70%.

Para comezar setembro con bo pé nada mellor que visitar o Outlet de Fene nesta fin de semana. Comeza este venres e rematará o domingo. Temos por diante tres días para beneficiarnos das ofertas e promocións que ofrecen os 26 negocios participantes na iniciativa. No listado predominan os comercios, de roupa, calzado ou alimentación, pero tamén hai establecementos hostaleiros e ata un negocio de ioga.

Sociedade

Publica o teu comentario agora