Rudy e Rick son dous cans que sufriron abandono e maltrato. Rudy ten sete anos, foi atopado nunha bolsa do lixo cos seus irmáns e pasou por unha adopción fallida. Rick, de tres anos, vivira sempre encadeado antes de chegar á protectora. Agora aos dous cústalles afacerse á relación coas persoas. Pan e María téñenos apadriñados e lévanos a clase de comportamento para axudarlles a superar o trauma vivido e o temor que lles causa a xente. Pan traballa na hostalaría, é fotógrafo afeccionado e aproveita esa actividade para recadar fondos cos que financiar as clases para mellorar o comportamento de Rick. Tamén hai unha campaña de micromecenado para recadar donativos na páxina ko-fi.com/rickcometa.  O custe das de Rudy páganas Pan e María.