ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Arredor de 3.000 exemplares de can de palleiro aparecen rexistrados no libro xenealóxico da raza, autorizado e recoñecido pola Xunta de Galicia. O Club desta raza verifica o pedigree de femias, machos e da súa descendencia. Trátase dunha raza autóctona con aptitudes para o pastoreo e a caza, ademáis de ser dócil coa xente da casa.
O presidente da entidade, Juan Carlos Puente, e o vogal Dani Bogo, estiveron na inauguración da mostra de fotografías sobre estes animais na Casa da Cultura de Fene Tamén asistiron o concelleiro de Cultura de Fene, Justo Ardá, e a concelleira de Deportes, Cristina García Moroño. A exposición está composta por 40 imaxes de gran formato que reflicten as características morfolóxicas da Raza Can de Palleiro, un tipo de animal de tamaño medio,de constitución forte, feituras próximas ás do lobo e cor da capa normalmente uniforme, que pode ir desde tonalidades area ata as negras pasando por canelas, castañas e grises escuras. Así, na mostra vemos poses de cans, cadelas e cachorros que nos axudarán a apreciar a súa fisonomía, pero que tamén nos transmitirán unha idea sobre o seu carácter. Tal e como se describe na web do club, esta raza autóctona posúe aptitudes para o pastoreo e para a garda, ademais de ser dócil coa xente da casa. A exposición fotográfica permanecerá en Fene até o 29 de setembro e poderá visitarse de luns a venres en horario de 10 a 13 e de 16 a 21:00h, mentres que os sábados só abrirá pola mañá, de 10 a 13:00h. Trátase dunha actividade itinerante que está percorrendo distintos concellos galegos como parte das accións de difusión da raza e do traballo que desenvolve a entidade. O Club Raza Can de Palleiro, fundado como asociación en 2002, é o único autorizado e recoñecido pola Xunta de Galicia para xestionar o libro xenealóxico da raza e, polo tanto, verificar o "pedigree" das femias e machos e da súa descendencia. O número de exemplares rexistrados dentro e fóra de Galicia achégase aos 3.000.
Publica o teu comentario agora