Un mar de contos traerá á comarca o Festival Atlántica. Relatos de Xapón, Portugal e Galicia que soarán na Biblioteca municipal, o parque Raíña Sofía e as rúas de Ferrol. Tamén no Centro de interpretación de Caldoval, en Mugardos. En Ferrol tamén hai previstos dous roteiros. Pola escultura urbana da cidade, con Guillermo Llorca, e o dedicado á Muller no progreso de Ferrol, a cargo de Esperanza Piñeiro. Yoshi Hioki, Ana Sofía Paiva, Avelino González, Inacio Vilariño, Luís Prego e Samuel Soto, Raquel Queizás, Vero Rilo e Santi Cribeiro, Celso F. Sanmartín traen unha chega de historias que contar.

Este ano Atlántica terá 30 sedes, reunirá máis de 45 artistas. Contadores e contadoras de historias chegados de Portugal, Cuba, Salamanca, Xapón, e unha amplísima mostra de talento galego e novas voces que están a xurdir que ofrecerán máis de 90 funcións para público infantil e para adultos en Galicia e o norte de Portugal.