O delegado do Goberno en Galicia Antón Louro entregoulle este mediodia a representantes da familia de Reboiras unha declaración de reparación e recoñecemento persoal. O Consello de Ministros considera acreditado que o militante nacionalista padeceu "ilexitimamente persecución e violencia que motivaron a súa morte en agosto de 1975 en Ferrol, cando realizaba actividades propias da súa militancia política".