Hai pouco máis de 2 anos (o 1 de decembro do 2008) 300 persoeiros e amigos de Marcos Valcarcel deronse cita na cidade das Burgas para participar nunha homenaxe a quen foi definido como o "historiador elegante", o "Cronista da República Galega das Letras" ou a "persoa que recibe aos escritores nas portas de Auria para presentalos en sociedade".

Marcos Valcárcel recibiu en xuño do 2009 o Premio Otero Pedrayo e no acto lembrou que ser "diferente é ser existente". Sinalou que Galicia existiría sen lingua propia, pero sería totalmente diferente e as súas provincias, como as demais. "Moita xente lamentaría levantarse un día coa noticia de que se derrubou a fachada da catedral de Santiago e o mesmo debería ocorrer cando nos din que a nosa lingua perde falantes, pois o seu valor supera ao de moitas fachadas do Obradoiro" salientou o historiador ourensán.