Mañá martes, a partir das 10.00 horas, os seus restos mortais poderán ser honrados no Concello de Teo, onde residía dende 1990 e de onde era fillo adoptivo dende o ano 2007. O acto cívico de despedida realizarase ás 19 horas no mesmo consistorio. Posteriormente, os seus restos serán incinerados.

O maxisterio, o cooperativismo e o compromiso cívico coa cultura e a sociedade galega, encheron a intensa traxectoria vital de Avelino Pousa Antelo. O venres 13 de maio do 2011 o IES Xulián Magariños de Negreira realizoulle unha homenaxe especialmente emotiva "por vir dos nenos, nenas e do profesorado da miña terra natal" manifestou daquela o mestre.