Os grupos escollidos recollen unha gran variedade de estilos, e se percibe a influencia das redes sociais nos votos recibidos por cada músico. Tras Motorhead e El viejo Caracol atópanse na lista en terceiro lugar The Nash, seguidos de Silvio Rodriguez, Fito y los Fitipaldis e Joaquin Sabina. Tamén votaron para as festas de Ferrol por Chenoa, Los Suaves, Rosendo e o grupo de flamenco andaluz El Barrio.  

A concellería de Festas poñerase en contacto con estes grupos para coñecer se están en xira, e se o seu caché se axusta ás disponibilidades presupostarias do Concello de Ferrol. O vindeiro mércores ás 11 da mañá, reunirase a concelleira coa comisións de festas para acadar unhas festas integrais e participativas. Tentarase traer aos dous primeiros e en caso de que o caché sexa moi alto rotará a listaxe. A concellería conta cun presuposto de 275 mil euros e tentarán buscar algun patrocinador e pedir a colaboración do Xacobeo. 

Como curiosidade foron centos de grupos os votados. Algún recolleu un só voto. A concelleira de Festas María López, confesou esta mañá o seu voto a favor do grupo Dover. Non saiu entre os máis elexidos e tampouco está en xira.