A nova madriña da Rondalla Mugardesa é unha rapaza do Seixo. Segundo asegurou a Radiofusión o presidente da entidade, Leonardo García, "Iria está moi ilusionada por poder representar á muller mugardesa, acompañando á rondalla en todas as actuacións que teña ao longo do vindeiro ano".

A primeira cita á que se enfronta é a de mañá, no Casino Mugardés, nun certame no que se fará o relevo das madriñas e no que, ademais, se presentará o novo repertorio da rondalla. Neste senso, Leonardo García adiantou que este ano estrean dúas pezas: o vals "Ilusión" e a danza "Letargia en la noche", con letra de Xesús Cartelle.

Trinta e dous son os compoñentes actuais da Rondalla Mugardesa, unha formación que o ano pasado creou a súa propia escola de punteo para garantir o relevo xeracional dos seu seus membros.