Por iniciativa do Concello de Fene, co respaldo da área de Igualdade da Deputación, presentase este venres, ás seis da tarde, na Casa da Cultura Mulleres da Reconversión. Será un acto de xustiza, di a alcaldesa, Sandra Permui, para que as mulleres teñan, igual que os homes o recoñecemento social. A alcaldesa, Sandra Permui; a Deputada de Igualdade da Deputación, Sol Agra, e a directora de Navantia Fene, Carla Chawla reuniranse coas mulleres que participaron no proxecto.

Mulleres da Reconversión é un proxecto dirixido por Iago Varela que inclúe un documental, unha exposición e tamén contará con unha publicación. Recollen as vivencias das mulleres que loitaron e compartiron cos seus homes medos e preocupacións mentres sacaban adiante as súas familias, porque os efectos da reconversión chegaron a todas as familias de Fene, mesmo as que non vivían directamente de Astano.