O testamento de Gala Murguía deixoulle todo a documentación dos seus pais á Real Academia Galega, aínda que cun permiso a Xoán Naia para que collera o que desexara. Por iso, a Academia conservou boa parte do epistolario de Manuel Murguía e Rosalía de Castro.  “As cartas cumpriron funcións didácticas e  literarias pero poucas veces tiveron entidade autónoma. Utilízase para a elaboración de biografías e apousentar sombras de personaxes que non existen, pero o epistolario ten unha lectura autóctona. Eu reivindico a capacidade do xénero epistolar” afirma Axeitos. A carta é un xénero íntimo pero non secreto “aínda que moita xente busca secretos no xénero”. “É a estrutura máis sinxela que case todo o mundo domina na actualidade, aínda que na época de Murguía só unha minoría culta, da pequena burguesía sabia ler e escribir”. 

Fotografía Xan Xe

Mañá venres pódese escoitar en Radio Fene Radiofusión a conversa con Xosé Luís Axeitos en torno a Manuel Murguía. Participan tamén Anxos García Fonte, Antonio Tizón e Henrique Sanfiz.