Néboa ten tres liñas de actuación, o coñecemento do medio é unha delas, tamén a conciencia ecolóxica potenciando os productos ecolóxicos e os mercados de proximidade e unha terceira de custodia do territorio, na que proceden á prantación de árbores autóctonas ou á limpezas de espazos naturais.

De feito a primeira actividade do clube terá lugar o vindeiro domingo 5 de outubro e consistirá nunha limpeza na desembocadura do Belelle, na ría de Neda. Sairán o domingo ás 11:00 do adro da igrexa de Santa María. Aconsellan acudir con botas de auga. A actividade forma parte do Proxecto Ríos, promovido por ADEGA.