Emprego dun equipo lixeiro de mergullo (máscara tuba e aletas), explicación, manexo e exercizos cun equipo pesado (regulador, chaleco de flotabilidade e botella), son algunhas das actividades que se desevolverán na piscina municipal de Centieiras (de 16:45 a 18:45 horas), na primeira xornada do Bautismo de Mergullo. O segundo día, os participantes participarán nun paseo subacuático pola Praia de Chanteiro (de 9:30 a 13:30 horas).

Para participar no Bautismo de Mergullo do Concello de Fene son requisitos indispensables saber nadar e ter cumpridos os 16 anos. A organización proporcionará todo o material deportivo necesario, incluído o traxe de neopreno.            

O custe da actividade ascende a 6,25 euros por persoa e hai 12 prazas dispoñibles.           

Para máis información, cómpre dirixirse ao departamento de Cultura, Deportes e Xuventude do Concello de Fene (Avda. Naturais, 44, entrechán dta.) ou chamar ao teléfono 981-340366.