O Círculo Cultural, Recreativo e Deportivo de Perlío, en Fene, acolleu onte a primeira xornada do II Festival de Podcast da Asociación de Emisoras Municipais Galegas, xuntando en horario de mañá e tarde a numeroso público interesado en achegarse a esta nova e exitosa forma de comunicación, que dá unha nova vida á radio. A inauguración foi presidida pola alcaldesa de Fene, Sandra Permuy, que deu a benvida aos par cipantes nas conferencias, obradoiros e mesas redondas incluídos programación deste primer día do festival, que conta coa colaboración da Deputación da Coruña. Nel presentáronse dous podcast pensados para os máis novos: “As crónicas de Centieiras”, do alumnado de Educación Infan l e Primaria do colexio fenés, e “Un colar de contos”, no que Isabel Freire recupera a través da voz da avoa Isa contos tradicionais. No capítulo formativo e divulgativo, a xornada incluíu un obradoiro para aprender a facer un podcast, a cargo do director de Radio Neria, Toño Casais, ademais de dúas charlas sobre boas prácticas e cómo enfrontaras crises reputacionais impartidas por Lorena López e Silvia Alende de Actual Comunicación. A presentación do proxecto teatral “Dez de marzo”, do colectivo Opaí Teatro - dirixido por Cristina Mariño e que recibiu o galardón ao mellor proxecto artístico nos Premios de Teatro Amateur Gil Vicente- e unha mesa redonda sobre a presenza do galego nas redes sociais a e comunicación dixital completaron unha xornada na que tamén houbo tempo para a gravación dun episodio ao vivo do podcast “Universo nosso”, co que o colectivo Brincarmos foi premiado no I Festival de Podcast. A segunda edición con nuará este sábado, xa en horario únicamente de mañá, coa presentación dos 11 podcast que participan no certame patrocinado por Deleite. Celebraranse ademais dúas mesas redondas sobre o podcast na radio local e sobre algúns exemplos de programas dedicados á memoria. Unha charla coloquio sobre “Intelixencia Artificial e Sociedade” e a actuación da agrupación de cantos de taberna “Son d Cantos” darán paso ao acto de clausura e a entrega de premios aos galardoados. Máis información en www.fes valdepodcast.gal 

Na imaxe, Eugenia Sanmartin, Marián Rey e Vicky Sás no primeiro episodio de "Na selva de Esmelle"

Fotografía Xan Xe