O encontro de narradores naceu da teima de Felloza en organizar un encontro “que tivera unha identidade moi clara”. “Con todo o respecto á cultura mediterránea”, explica, “nós temos unha identidade moi especial e por que non destacala”. Así naceu un Festival que conta co apoio do senlleiro Pub Atlántico de Compostela que cumpre 25 anos nos que foi exercendo de lugar de encontro e canteira para moitos dos mellores narradores do país. Agora reencontraranse ás beiras do grande océano para demostrar que, como dicía o escritor inglés McFarlane, “os vellos camiños do mar levan e traen os contos”.

A programación ao detalle do evento pódese consultar na ligazón de internet www.festivalatlantica.com .