Navantia busca encargos, xa que se non contrata novos pedidos con carácter inmediato, entrará en subactividade no vindeiro ano 2011, ou no 2012. As factorias de Fene e Ferrol continuan cos seus traballos xa contratados. O segundo buque anfibio LHD para Australia comezou a construirse a comezos do mes de febreiro, cun adianto de 7 semanas con respecto á data prevista. O corte da primeira chapa do Adelaida realizouse no taller de bloques curvos de Fene. Ademais dese barco e do seu xemelgo, Navantia construie na actualidade a quinta fragata F 100 e o megabuque Juan Carlos I para a Armada española. Tamén para novembro cóntase con entregar a quinta e última fragata para a Marina de Noruega. Na actualidade os estaleiros de Ferrol e Fene empregan a 2.300 traballadores no plantel, e arredor de 3200 persoas en compañías auxiliares.