Entre os retos inmediatos para a organización, Mur sinalou a loita contra os discursos de odio e o racismo, que están a normalizar as violacións de dereitos básicos. 

Tamén expresou a súa preocupación pola crecente represión do dereito á protesta, poñendo como exemplo as detencións masivas no Reino Unido por manifestacións a prol de Gaza. A pesar do panorama crítico, Amnistía Internacional reivindicou o valor das "microvitorias". Múr lembrou que a presión social está a dar froitos en ámbitos como os dereitos das mulleres ou a defensa do aborto, e subliñou o papel de España como unha "voz discordante" a nivel internacional. "Somos unha organización de persoas para persoas", concluíu, destacando o impacto emocional que ten para un preso de conciencia saber que, desde fóra, alguén está a loitar pola súa liberdade, que hai unha persoa que se lembra del.

Amnistia Internacional Galicia renovou xunta directiva na cita celebrada o pasado sábado no Ateneo Ferrolán. Quedaron elixidas Jessica García (presidenta) Alma Acuña (secretaria) Sara Prieto (tesoureira) e Rosa Gómez Amigo (vogal).

Amnistia Internacional España conta con máis de 100.000 persoas asociadas. E unha organización global e independente con máis de 10 millóns de integrantes que actuan contra a inxustiza defendendo os dereitos humanos en todo o mundo

Na imaxe, algunhas das activistas de Amnistia Internacional Galicia no Ateneo Ferrolán. Sábado 21 de marzo de 2026