O Memorial Adolfo Ros ten un percorrido de 21 quilómetros. A continuación da saída, terá  lugar a carreira das categorías de menores, cun traxecto aproximado de dous quilómetros para benxamín, alevín e infantil masculino e feminino, e de catro quilómetros para cadete e  xuvenís masculino e feminino. Nun e noutro caso, os percorridos circunscríbense ao concello  de Neda, cos mesmos puntos de saída e chegada que a carreira principal.

O concelleiro de Neda que, como as súas compañeiras de Ferrol e Narón, fixo un chamamento á participación, quixo agradecer tamén a colaboración da Policía Local e Protección Civil  dos catro concellos polos que discorre a proba. E, sobre os rexistros de participación, avanzou  que a día de hoxe son 266 as persoas inscritas. Unhas cifras que os concelleiros confían en  que se eleven notablemente nos próximos días ata igualar ou superar os 700 participantes  da edición anterior.
Por último, sinalar que as persoas interesadas en participar poden solventar calquera dúbida  ou formalizar a súa inscripción no Centro Cívico de Neda (tlf. 981 49 44 31, en horario de 9 a  13 horas) ou ben nos seguintes enderezos electrónicos:www.championchipnorte.com e www.fgatletismo.es/ferrol/