A ruta, duns 8 quilómetros de lonxitude, atravesou Caamouco e Limodre, chegando ata o muíño de mareas de Río Castro, xa no Concello de Cabanas. Un percorrido circular no que a Tenencia Teatro, grupo da Agrupación, sorprendeu ao público con escenas teatrais en puntos salientables do percorrido. Deste xeito, houbo escenas en puntos como a Horta de Quinín, o Porto de Redes, Almieiras e Río Castro. 
Ademais da implicación de todo o grupo de teatro, dirixido por Eugenia Sanmartín, a ruta contou coa colaboración musical do grupo Airiños de Fene, do grupo de pandeireiras da Agrupación Instrutiva de Caamouco, a cantante Amparo Arias, o gaiteiro Manolo Doval, o zanfonista Emilio Mesias e Roger de Flor. Ademais, a pintora Dolores Fernández, mestra na Agrupación, inmortalizou esta xornada nun lenzo ao óleo que pintou durante as representacións no propio xardín do pazo. 
O Pazo do Piñeiro
O Pazo do Piñeiro foi símbolo da explotación durante moitos anos. Tocaba a campá do Pazo e toda a veciñanza de Caamouco tiña que ir traballar as súas terras, segundo lembraba en Radio Fene o veciño de Redes xa falecido Regino Varela. A xente de Caamouco xa estaba atenta para saber cando ían plantar ou recoller os propietarios do Pazo do Piñeiro nas súas extensas fincas. Na actualidade o emblemático edificio é propiedade da Fundación Paideia. 

Máis información sobre o Pazo do Piñeiro:

https://www.radiofusion.gal/actualidade/novas/o-pazo-do-pi%C3%B1eiro-com...