Chamamento da concelleira de Medio Ambiente de Fene, Cristina Garcia Moroño, a facer un consumo responsable da auga. Coas altas temperaturas das últimas semanas é máis necesario non derrochar auga. Lembrou que a auga é un recurso fundamental para a vida e hai que evitar derrochalo con xestos como manter aberta a billa coa auga correndo mentres cepillamos os dentes ou fregamos a louza. Facer un uso responsable da auga permite tanto garantir a súa dispoñibilidade futura como contribuír ao coidado do medio ambiente, destacou a concelleira que mencionou algúns pequenos xestos aos que debemos afacernos na nosa vida cotiá. Na páxina web do Concello de Fene poden consultarse consellos para un uso responsable da auga desta campaña na que colaboran a institución municipal e a empresa Veolia que xestiona o servizo de auga en Fene.