Revolut, unha das máis coñecidas entidades financieiras nacidas no ámbito das tecnoloxías  “anunciou tres novidades que poderán marcar un antes e un despois no sector financieiro como o coñecemos”, destacou Iago Varela. Una desas novidades é a creación de caixeiros de nova xeración,“uns caixeiros que van máis aló dos expendedores de efectivo, permiten abrir contas desde o propio caixeiro e mesmo emitir tarxetas no momento, se necesitas o servizo urxente pódelo facer ti directamente”. E se queremos sacar cartos non fará falta tarxeta nin pin, porque integran o recoñecemento facial para sacar cartos da conta de Revolut. Outra novidade son as hipotecas exprés. Proxectan reducir a duración dos trámites a 24 horas. Tamén anunciaron a integración dun asistente financieiro baseado na Intelixencia Artificial para axudarnos a xestionar aforros ou asesorar en pequenos investimento. Todo desde unha aplicación móbil, sen saír da casa, 24 horas todos os días do ano. Os neobancos están suxeitos á mesma normativa europea que a banca tradicional. A seguridade fronte a problemas de privacidade ou hackeos tamén é semellante, senón mellor porque “adoitan ter medidas máis avanzadas que a banca tradicional, naceron na parte dixital e xa están cubertos nese sentido”, sinalou Iago que recalca tamén a necesidade de auto-protexernos  coa dobre autentificación e sen facer uso de wifis públicas para facer movementos bancarios.