Varios números da revista Interviú foron secuestrados por orde xudicial en 1978. A publicación dun artigo denominado “Los Rosón, azote de Galicia” motivara unha denuncia da familia de Antonio Rosón, daquela presidente da Xunta de Galicia. Semanas despois, outro xulgado levantou o secuestro e se puido distribuír a revista coa reportaxe sobre a actividade na represión antifranquista da familia Rosón Perez. 
Para o historiador Luís Lamela, as testemuñas orais non son totalmente fiábeis. Unicamente poden servir de complemento á hora de falar da represión franquista. A fonte principal para escribir o libro foi a documentación escrita dos arquivos.
En Galiza os falanxistas son os grandes esquecidos da Memoria Histórica. Porque, eles non foron os que sufriron a represión, e si en cambio foron os que a executaron, os que fixeron sufrir aos seus semellantes, xogando un papel fundamental á hora de construír o Novo Estado franquista, aínda que as intencións idealistas dos falanxistas de primeira liña chocaron considerablemente coa realidade política galega de entón. Comeza así o libro de Lamela.  
Ata o de agora recuperáronse os nomes, e tamén a dignidade, da maioría dos individuos asasinados en Galiza durante a represión falanxista, pero non se recuperou a memoria de todos os que, ou ben colaboraron, ou ben a executaron: ninguén ousou axustar contas. Será que os verdugos e delatores resultan máis incómodos de abordar que as súas vítimas

Imaxe Luis Lamela en Radio Fene

Fotografía Xan Xe