ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Unha mañán gris a deste domingo 7 de xuño non convidaba a sair á rua para votar. As urnas non tiveron de momento o tirón necesario para sacar aos cidadáns da cama. Nos dous colexios electorais da parroquia de Perlío- Fene- a participación rozaba o 10 % ao mediodía. Todo discurre, iso sí, con absoluta normalidade.
No colexio electoral ubicado na escola de Peleteiro o silencio era mortal a duas horas da apertura das urnas. Pola Avenida Marqués de Figueroa, ás 11 da mañán, contabanse coa man as persoas que paseaban polas beirarruas. Non hai feirón e iso nótase nesta parroquia fenesa que ve como cada segundo e cuarto domingo de mes se enchen as ruas de vendedores e visitantes. Ademáis dase a circunstancia de que boa parte dos veciños e veciñas están de viaxe en Salamanca nunha excursión organizada pola asociación de veciños e non retornarán ata a noite.
Máis ambienteten pola contra a veciña parroquia de Fene onde unha veintena de nenos e nenas fan hoxe a primeira comiñón, polo que o entorno da igrexa do Divino Salvador e a praza da Constitución énchese de xente ao mediodía. Quizás daí saia unha boa presa de votos nesta hora central do dia.
Polo demais reina a normalidade no discurrir da xornada electoral, sen que se producise incidente algún en ningún dos colexios electorais feneses, segundo a funcionaria municipal encargada de recoller calquera contrariedade. Os electores teñen para escoller ata 36 alternativas nestas eleccións europeas.