Elaborou cen sonetos para Eva, en castelán, porque cando estaba en prisión despois da guerra, tiña prohibido escrever en galego. Carvalho Calero ten bastantes sonetos. Na súa Historia da Literatura Galega Contemporánea adícalle un capítulo ao denominado “Acompañamento musical”. Recolle unha serie de poemas musicados, e grazas a iso alcanzaron moito máis éxito popular. A música e o texto favorécense mutuamente. Permiten unha mellor memorización. O acompañamento musical no século vinte axudou a revitalizar a cultura galega especialmente a poesía. Os coros de música tradicional tamén contribuíron a estender e facer moi coñecidos poemas como Negra Sombra de Rosalía de Castro ou Unha noite na eira do trigo de Curros Enriquez.