Unha avioneta estrelouse en Limodre o 13 de agosto de 1968. No accidente morreron os tres tripulantes da aeronave, dous deles veciños da Coruña. A altura dos montes do Pudrical perdeu altura, pegou un forte golpe contra unha arbore, quedando sobre o camiño que vai de San Martiño a Limodre. A avioneta dirixiase a Pamplona, era propiedade do Aero Club de Guipuzcoa. O seu piloto era o veciño de Pamplona Fernando Pérez Marqueta. Tamén viaxaban Manuel Sanchez Estevez, natural de Verín e veciño da Coruña e Gerardo López Suárez tamén da Coruña. A avioneta fora alugada pola firma de frigoríficos Super Ser. Veciños de Laraxe, Limodre e San Martiño do Porto axudaron nas tarefas de rescate. O sinistro ocorreu ás cinco da tarde, nun dia pechado de choiva e néboa. Estrelaronse contra as arbores de gran altura que se encontraban no lugar. 

A veciña de Limodre Olimpia Noche lémbrase do accidente. Ela contaba con 22 anos e se encontraba no lavadeiro da Rúa. Sentiu o impacto e sabe de xente de Limodre que se achegara ao Pudrical, nas inmediacións da capela do Bó Xesús.

Imaxe de Rio Sandeu en Limodre

Fotografía Xan Xe