A experta en Servizos Sociais, Isabel Grandal, foi a encargada da conferencia-coloquio inicial, sobre a evolución do sistema de benestar social. Fíxose unha análise detallada mediante un conversatorio guiado pola xornalista Valeria Pereiras, e no que participaron representantes dos tres colexios organizadores, rematando a xornada coa elaboración de conclusións que servirán para guiar o traballo conxunto entre os colexios profesionais e poder achegarlle estas mesmas á administración.

Espazo Dialoga

Impulsado polos Colexios profesionais de Traballo Social, Educación Social e Psicoloxía, creouse para unificar esforzos e criterios para unha calidade óptima da actividade profesional no eido do Social. Un dos seus obxectivos é o de velar pola existencia e consolidación dun Sistema de Benestar amplo e de calidade que non dependa de flutuacións políticas e/ou económicas.