Imaxinen vostedes: Don Ramón na estancia do seu pazo no que colgan os fidalgos retratos da nai e do pai...Don Ramón está tan bébedo que todo lle costa traballo... ata sentarse!!

Don Ramón bambéase pola estancia sen acougo, e, fíxense ben vostedes: os ollos dos retratos fitos nel ségueno dun lado a outro, asañados.

Esta adaptación radiofónica está guionizada por Antonio Tizón, dirixida por Eugenia Sanmartín e conta cunha banda sonora composta por Antón Ramos. Máis de 20 persoas de equipo artístico e técnico deron vida a esta obra de Castelao.

O grupo Merlín e Familia está composto polos seguintes actores e actrices por orde de aparición: Rogelio Arias, Sonia Parra, Antón Cortizas, Mariola Hermida, Carme Romero, Helga Méndez, Ana Santiago, Vicky Sas, Odoluscofusco, Angel Simón e Manolo Bacalhao. No apartado técnico Lorena Teijeiro, Luis Caldevilla e Xavier Fernández. 

Na imaxe, Ángel Simón, a voz de Don Ramón.

Fotografía: XanXe