A aplicación do Real decreto lei 20/2012, de 13 de xullo, de medidas para garantir a estabilidade orzamentaria e de fomento da competitividade que foi aprobado polo goberno do PP no Estado español, e que foi coñecido coma o “decretazo de Rajoy” está a causar moito dano nun sector xa lastrado polas consecuencias da crise económica, xa que o seu contido implicou a suba do IVE que lles era de aplicación aos salóns de peiteado, o 8%, ao desorbitado 21% actual.

Falamos dun sector que promove unha importante actividade económica, coa conseguinte xeración de postos de traballo, que a día de hoxe está a demandar a rebaixa do Imposto de Valor Engadido, ante as graves consecuencias que está a ter a aplicación do IVE do 21%, que non son outras que o peche de establecementos e a perda de postos de traballo, ao que se suma o aumento da economía somerxida.