“Estamos a falar dunha das coleccións de arte máis importantes de arte galego e tamén de pezas de artistas de outros países como Dalí, Picasso”, explicou a portavoz de Cultura, que instou a que as obras se trasladen ao Gaiás para crear alí unha pinacoteca nacional galega, “xa que foi conseguida grazas aos aforros dos galegos e galegas”.

O portavoz nacional denunciou a inacción do goberno galego, “máis alá do ruído, o presidente segue sen actuar e segue a ser necesaria unha comisión de investigación que nos diga que pasou cos cartos de todos e todas”.

Ademais, o líder nacionalista lembrou a iniciativa do BNG para que a Xunta se faga co 51% das accións do novo banco como única forma de conservar o carácter público e galego da entidade e a súa obra social.