O camiño de Santiago desde Cuba

O camiño de Santiago desde Cuba
17 de Novembro, 2020 - 12:12 h. | Publicada por Radiofusión

O Camiño de Santiago de xeito virtual. A cátedra de lingua galega da Universidade da Habana en Cuba levou a cabo un proxecto de achegamento á ruta a Santiago de Compostela. Prepararon unhas maquetas de monumentos relevantes ao longo do camiño. A andaina remata diante dunha reprodución en papel maché do pórtico da Gloria.

ESCOITA O PODCAST:
Arantxa Fernández Crespo dirixe a cátedra de Lingua e Cultura Galegas

Vestidos de peregrinos e con gaitas, alumnos e alumnas da Universidade realizaron o seu particular camiño. O pórtico da gloria, a fachada do Obradoiro e o botafumeiro son elementos relevantes para a Universidade da Habana . A directora da cátedra de Cultura Galega Arantxa Fernández Crespo explicaba hai un ano en Radio Fene Radiofusión o cometido docente desa entidade. Divulgar a cultura galega entre estudantes da Historia da Arte.
O obxectivo da cátedra é a promoción das investigacións da relación entre a cultura galega e a cubana. Tamén axudar aos investigadores e impartir na Facultade de Letras da Habana clases de cultura, lingua e literatura galega. A cultura, o patrimonio, o románico, o Camiño de Santiago son algunhas das liñas que atende na actualidade a cátedra dirixida por Fernández Crespo. O traballo de recreación do Camiño de Santiago pode contemplarse na rede no enderezo https://youtu.be/8QFx3Lny5fo

 

Cultura

Comentarios

Moitas grazas, RadioDifusion por facernos visibles e audibles. O noso orgullo galego tamen pasa por sentirnos coñecidos no mundo e Cuba nunca nos esquece. Aqui seguimos mantendo o facho, a necesidade dos alumnos de aprender e coñecer de de nós vai no seu sangue, na súa propia definición identitaria. Seguimos facendo camiño. Apertas
Nome: 
Arantxa

Publica o teu comentario agora