A concelleira de cultura, Mercedes Carbajales lembrou que este programa de “A banda nos barrios” ten por obxectivo descentralizar a cultura e achegala ao maior número de cidadáns. Por este motivo, a banda de música xa actou ao longo deste mes nalgúns barrios ferroláns . Este sábado é a quenda do Cantón de Molíns. As vindeiras actuacións terán lugar o sábado 22 en Ultramar e o 29 de agosto en Esteiro. A banda ofrecerá un repertorio distinto en cada destino, polo que, os que así o desexen, poden ir a tódolos concertos.