Nesta conversa con Roberto Bao e Armand Hernández, investigadores do Grupo de Investigación en Cambio Ambiental (GRICA) do Centro, que lideran o proxecto, coñeceremos esta investigación que estuda, a través da paleoclimatoloxía, a variabilidade climática dos últimos centos de miles de anos e a súa repercusión sobre a dinámica dos ecosistemas.  

O estudo “O balanceo climático Mediterráneo–Atlántico: estudo da súa incidencia nos lagos de montaña do NO da Península Ibérica desde unha perspectiva paleoambiental” é un proxecto científico de paleoclimatoloxía e paleoambiente que investiga como cambiaron as condicións climáticas entre as influencias mediterráneas e atlánticas ao longo do tempo, e como estes cambios quedan rexistrados nos lagos de montaña do noroeste da Península Ibérica. 

Entender estes cambios pasados axuda aos climatólogos a interpretar a variabilidade climática natural fronte aos cambios inducidos polo actual quecemento global.