Continúa aberto o prazo de inscrición para este club de lectura dirixido a público adulto e para o que aínda queda algunha praza dispoñible. As inscricións realízanse na propia biblioteca, presencialmente ou por teléfono. Para participar, unicamente cómpre ter interese pola lectura xa que as persoas que formen parte do club deberán ler ao mesmo tempo a obra proposta, a soas nas súas casas, reuníndose logo para comentar o que leron. A biblioteca proporcionará un exemplar a cada membro do club, previamente inscrito que, no caso da sesión prevista para o vindeiro 14 de decembro será “Final feliz”, de Xavier Queipo. O Club de Lectura da Biblioteca de Fene terá carácter mensual, realizándose as xuntanzas un mércores ao mes en horario de tarde, de 18.00 a 19.30 horas.

Na imaxe Libraría Berbiriana da Coruña. Acto de presentación do podcast Lobos doentes. 1 de outubro de 2022

Fotografía Xan Xe