Esta tarde coñeceráse o resultado do expediente aberto a un alumno do colexio A Xunqueira de San Valentín por parte do consello escolar. Falamos dunha agresión a outra alumna do centro, de 1º da ESO Unha nena de 13 anos que sofríu a rotura de dous dentes, do corrector dental e o corte nun labio, contusion no nariz e diversas contracturas, segundo o parte médico. A agresión produciuse o pasado 23 de marzo cando a nena se dirixía ao autobús escolar. Ao parecer o alumno agresor ten 15 anos. O director do centro recoñeceu a agresión por parte deste alumno. A nai da nena amosouse indignada tanto pola agresión como polo acontecido despois. Puxo a oportuna denuncia na Garda Civil e dende o Hospital Juan Cardona, onde foi atendida a alumna, puxeron o suceso en coñecemento da Fiscalía do Menor. A nai da rapaza asegura que a alumna agredida sofre acoso por parte deste compañeiro dende principio de curso, con insultos e patadas.