O Ministerio de Medio Ambiente y Medio Rural y Marino escolleu no ano 2010 ós concellos de Allariz e A Bola dentro do territorio galego, para esta experiencia piloto que se enmarca dentro das actividades medioambientais da Reserva da Biosfera “Área de Allariz”.

Os participantes no proxecto aprenderán a elaborar o seu propio abono natural a partir da materia orgánica que se produce nas súas vivendas, tanto de residuos domésticos como do xardíns, patios ou hortas, para o que se lles dotará de forma gratuíta dos materiais necesarios e contarán en todo momento co asesoramento de persoal especializado.

Esta iniciativa tratará de concienciar tanto os escolares como a outros sectores da poboación da importancia da aplicación da política das 3R (Reducción, Reutilización e Reciclaxe) e a maiores ampliará o abano formativo entorno á compostaxe a todas aquela persoas interesadas.