As axudas para material escolar para este curso 2009-2010 poden solicitarse ata o vindeiro 30 de setembro. Xunto coa instancia, os interesados deberán cubrir unha declaración xurada de ingresos da unidade familiar e das axudas solicitadas cos xustificantes correspondentes. Además, deberán aportar a fotocopia do Libro de Familia e do DNI do solicitante e dos maiores de 16 anos da unidade familiar. Tamén deberán presentar a fotocopia do contrato de traballo -ou da tarxeta de desemprego, no caso de estar no paro- e da Declaración da Renda ou do documento que acredite estar exento de abonar o IRPF. Incluirase ademáis o xustificante da matrícula escolar dos alumnos. A contía das axudas que aportará o Concello depende do número de membros da unidade familiar e dos ingresos da mesma.

Respecto ás axudas para o bono bus universitario, poderán solicitarse ata o vindeiro dia 9 de outubro. Ademáis da instancia, os solicitantes deberán presentar unha fotocopia do DNI, da Declaración da Renda e da matrícula do curso correspondente. Tamén presentarán un certificado de empadroamento da unidade familiar –será aportado polo propio Concello-, unha declaración de non recibir outra beca ou axuda ou en caso de tela, fotocopia da mesma, e unha fotocopia da cualificación académica obtida no ano anterior.