Fontes cercanas a Villares indican que o ex alcalde de Cervo e Paloma Lago  mantiveron durante meses unha relación sentimental tras coñecerse no verán do pasado ano. O Tribunal Superior de Xustiza de Galicia comunicoulle onte mesmo a súa condición de investigado por agresión sexual. A oposición pide explicacións ao presidente da Xunta Alfonso Rueda. O BNG envía unha mensaxe de apoio á denunciante. Se un home poderoso é imputado, quere dicir que as mulleres non calamos ante este tipo de situacións, sinala a deputada nacionalista Noa Presas. Para a parlamentaria do PSdG PSOE Paloma Castro, feitos desta natureza, de confirmarse, serían absolutamente inadmisibles en calquera persoa, pero moito máis se cabe en quen ostenta un cargo público. Os xulgados de Ferrol volven facerse cargo da denuncia contra o xa ex conselleiro do Mar ao dimitir Alfonso Villares como conselleiro e como deputado. Na cidade departamental verase o caso pola presunta agresión sexual do ex-conselleiro da Xunta de Galicia contra a presentadora Paloma Lago.