O difícil é o primeiro paso

O difícil é o primeiro paso
18 de Xaneiro, 2025 - 12:00 h. | Publicada por Radio Fene

O Concello de Fene ofrece asesoramento xurídico a través dos Servizos Sociais ás persoas que non dispoñen dos recursos e precisan o amparo da Xustiza para saír dunha situación conflitiva. Unha iniciativa da Concellería de Benestar e Igualdade, dirixida por Sandra Permui, que contratou o servizo coa letrada Susana Martínez Galdos.

ESCOITA O PODCAST:

O persoal dos Servizos Sociais conta co apoio dunha especialista en Dereito á que deriva os casos que precisan de asesoramento xurídico. Son temas moi variados os que atende Susana Martínez Galdos. Problemas de violencia de xénero ou familiar, temas de menores, casos de desafiuzamento de persoas vulnerables ou persoas estranxeiras en situación irregular. Desde o servizo de asesoramento xurídico dan información de como abordar cada situación conflitiva, se convén pedir o respaldo xudicial ou se hai dereito á Xustiza gratuíta, da que poden beneficiarse todas as mulleres vítimas de violencia machista.

“O difícil é dar o primeiro paso, se das ese paso sempre tiramos para diante”, destaca a responsable do servizo de asesoramento xurídico dos Servizos Sociais. “Hai que confiar na Xustiza porque cando vives unha situación moi tóxica a única solución é a Xustiza”, engade. A atención é presencial, os martes, de 10 a 12, no departamento de Servizos Sociais, en San Valentín.

Institucional

Publica o teu comentario agora