A escola de Solfexo e Piano é un clásico dentro da oferta cultural do Concello. Naceu hai 25 anos e, dende aquela, son moitos os alumnos e alumnas que pasaron por esta actividade coa que se pretende achegar aos participantes unhas nocións básicas de música (entonación, ritmo, canto), combinadas coa práctica ao piano. Segundo Cristina Tucceli, mestra fundadora da Escola, “boa parte do éxito desta actividade radica en terse ampliado a idade de matriculación”.

Mañá remata o prazo para apuntarse ás Escolas Culturais do Concello de Fene. Nalgunhas delas aínda hai prazas como é o caso do obradoiro literario, a escola de informática e a de iniciación ao francés. Tampouco se cubriron tódalas prazas nos obradoiros de circo, reciclaxe e radio que se celebrarán neste último trimestre do ano.

As persoas interesadas en participar en calquera das Escolas Culturais de Fene deben pasar polas dependencias administrativas do pavillón “A Xunqueira” de San Valentín. No caso dos Obradoiros Culturais, as inscripcións realízanse no Departamento de Cultura, Deportes e Xuventude, na Avenida Naturais, 44, entrechan.