Temos que manter o Fenerock a base de cervexas, proclamou o vocalista dun dos grupos musicais que actuaron. Hai que beber para apoiar a esta xente, salientaba cun chisco de ironía o guitarrista doutra formación. O caso é que a pesar da reducción orzamentaria, e dos apagóns de luz que interrumpiron as actuacións musicais na noite do venres, o Fenerock cumpriu os sete anos e os organizadores -a asociación Centolos e o CPS de San Valentín- contan xa coa obriga moral de preparar a octava edición.