O programa do Furancho de Arte Contemporánea artellarase en tres formatos diferentes: O FAC Producións (creacións propias dos impulsores do proxecto), o FAC Convidados (montaxes expositivas desenvolvidas por outros artistas ou colectivos por convite do Furancho) e o FAC Express (propostas de curta duración que atendan de xeito espontáneo ás posibles urxencias espaciais ou de presentación doutros proxectos artísticos). Este novo espazo constitúe, aseguran os seus impulsores, “unha clara declaración de intencións, unha toma de posición e unha decidida acción fronte ao descrédito e ao descontento co actual desenvolvemento do sector profesional das artes en Galicia”.