D. Santos Sieira Rodríguez, carpinteiro de profesión, aínda que na actualidade está xubilado, é afeccionado desde rapaz á talla de barcos de distintas tipoloxías e tamaños, e leva feitos máis de medio cento deles, “aínda que este é o máis grande dos que fixen ata o de agora”, sinalou. Algúns destes buques forman parte dunha colección que posúe na súa casa, a modo de museo, e outros “funos regalando aos amigos”. Agora, acaba de doar ao Concello esta obra, o galeón María Rosa, feito con moito cariño e bautizado con este nome na honra da súa muller, falecida hai uns meses. 

O Concello de Boiro agradece a D. Santos Sieira Rodríguez este obsequio, que permanecerá no hall da Casa Consistorial para que tódolos veciños poidan ver e disfrutar a obra deste artesán.