A entidade está en proceso de formación co obxectivo de darlle continuidade á escola de atletismo que xa funcionou o curso pasado en Fene. Tamén pretende dar asesoramento a persoas que corren ou andan de xeito habitual. Antonio Rodriguez, Victor Sabín, Sergio Piñón, Angel del Rio e Marcelo Serantes, son algúns dos promotores dun club que tamén quere adecuar un circuito permanente de cross en San Valentin, un percorrido para andainas no interior do pavillón da Xunqueira e a recuperación das pistas de atletismo do Pazo en Barallobre.