ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A nova directiva do Club de golf Campomar de Narón marcouse o obxectivo de divulgar as súas magníficas instalacións para extender entre a veciñanza a práctica deste deporte.
A partir do pasado mes de novembro de 2019, un novo equipo entrou a formar parte da directiva do club de golf Campomar, unha vez que a anterior xunta de goberno presentase a súa dimisión. Entre os proxectos que pretenden presentar aos socios, está o de facer máis visible e dinamizar este deporte, ofrecéndoo e dándoo a coñecer á veciñanza, á comarca e en xeral a todas aquelas persoas que queiran descubrir unha nova actividade deportiva.
Proba diso é a visita, o pasado domingo 2 de febreiro, do concelleiro de deportes do Concello de Narón, José Oreona, quen de maneira moi activa está a apostar por esta idea. Tamén visitou as instalacións o presidente da asociación de veciños de O Val, Manuel Teijeiro e parte do seu grupo de Goberno, confirmando así o seu apoio a este proxecto. Estas visitas acreditan o compromiso para iniciar unha colaboración, que prevén duradeira e exitosa, e a posibilidade de sacar o maior partido ás instalacións dentro dun marco privilexiado e único en máis de 20 concellos da contorna e ao longo de 625 km2.
O club de golf Campomar ubícase no lugar de Vilacornelle, no Val, concello de Narón (A Coruña). Xunto co de Miño son as únicas alternativas da comarca para a práctica deste deporte.
Publica o teu comentario agora